Torontoவில் தமிழ் இனப்படுகொலை நினைவுச்சின்னம் அமைக்கும் திட்டத்திற்கு ஒப்புதல்

நேற்று (24) டொரொண்டோ நகர சபை ஒருமனதாக ஆதரவு தெரிவித்தது: ஸ்கார்பரோவில் தமிழ் இனப்படுகொலை நினைவுச்சின்னம் அமைக்கும் திட்டத்திற்கு ஒப்புதல்

ஒரு முக்கியமான வரலாற்றுச் செயற்பாடாக, டொரொண்டோ நகர சபை ஸ்கார்பரோ பகுதியில் தமிழ் இனப்படுகொலை நினைவுச்சின்னம் ஒன்றை நிறுவும் திட்டத்துக்கு ஒருமனதாக ஒப்புதல் அளித்துள்ளது.

இந்தத் தீர்மானம், வார்டு 20 ஸ்கார்பரோ சவுத் வேஸ்ட் உறுப்பினர் கவுன்சிலர் பாரதி கந்தவேல் அவர்களால் முன்மொழியப்பட்டது. வார்டு 12 கவுன்சிலர் ஜாஷ் மெட்லோ அவர்களால் இரண்டாவது செய்யப்பட்ட இந்த தீர்மானம், தமிழ் சமூக அமைப்புகளுடன் இணைந்து, நகரத்தின் பொதுக் கலை மற்றும் நினைவுச்சின்ன கொடையளிப்பு கொள்கையின்படி ஏற்ற இடம் மற்றும் வடிவமைப்பை அடையாளம் காண வழிகாட்டுகிறது.

கவுன்சிலர் பாரதி கந்தவேல் தனது நெகிழ்ச்சியான கருத்தில் கூறியதாவது:
“நமது நகரத்தில் தமிழ் இனப்படுகொலை நினைவுச்சின்னம் ஒன்றை உருவாக்க நகரம் தமிழ் சமூகத்துடன் வேலை செய்யவேண்டும் என்ற எனது தீர்மானம் டொரொண்டோ நகர சபையில் ஒருமனதாக நிறைவேற்றப்பட்டது என்பதை பெருமையுடன் பகிர்ந்துகொள்கிறேன். நாம் இழந்தவர்களின் நினைவைக் கௌரவிப்பதற்கும், அவர்களின் கதைகள் மறக்கப்படாமல் வைக்க இது ஒரு முக்கியமான படியாகும்.”

இந்த நினைவுச்சின்னம், தமிழ் இனப்படுகொலைக்கு நேர்ந்த பாதிப்புகளைப் பற்றிய விழிப்புணர்வை ஏற்படுத்தவும், மக்களுக்கு நினைவுகூரும், சிந்திக்கும், கற்றுக்கொள்ளும் இடமாக அமையவும் திட்டமிடப்பட்டுள்ளது.